"الجفاف العاطفي" دفع النساء للإعجاب برومانسية "مهنّد"
دبي- العربية.نت
وصلت "حمّى" المسلسل التركي المدبلج إلى اللغة العربية "نور" إلى اليمن، التي شهدت حالتا طلاق، انضمتا إلى مجموعة "الخلافات العاطفية" التي سببها المسلسل منذ بدء بثه على قناة mbc.
وأرجع أبناء مدينة المكلا اليمنية، سبب الطلاق إلى شعور الأزواج بالغيرة من بطل المسلسل مهند، الذي يتميز بالوسامة والأناقة وملاطفة النساء، لتزيد الزوجات الطين بلة، بإهمالهن أزواجهن، ورفض تلبية طلباتهم وقت بث المسلسل، بحسب ما أشارت صحيفة "الوطن" القطرية الخميس 24-7-2008.
وكانت صحيفة يمنية أجرت استفتاء بين عدد من المشاهدين والشغوفين بمتابعة المسلسل، أكدوا فيه حرصهم على تسمية مواليدهم بـ''نور'' ان كانت انثى و''مهند'' إن كان المولود ذكرًا.
وتحولت أحداث المسلسل، بتفاصيلها الدقيقة، إلى حديث الناس اليومي في البلاد، سواء في وسائل المواصلات وفي الشارع والأسواق والمقاهي والطرقات اليمنية.
وعزت الصحيفة الإعجاب الكبير الذي يظهره الجنس اللطيف تجه المسلسل إلى "حالة الجفاف العاطفي الذي تعاني منه عدد كبير من النساء، خاصة اللواتي كن يحلمن برومانسية لم يجدنها بعد الزواج، ما دفعهن للبحث عنها في المسلسلات''.كما أرجعت حالات الطلاق التي شهدها المجتمع اليمني، بسبب خلاف بين الزوج وزوجته حول المسلسل وبطليه، إلى ما وصفته بـ "الجفاف العاطفي بين المتزوجين".
وبعيداً عن الازواج، اشتكى أساتذة جامعات يمنية من تراجع مستوى التحصيل العلمي عند الطلاب، منذ بدء عرض المسلسل، معللين ذلك بحرص الطلاب على متابعة حلقات المسلسل، الذي يوافق عرضه فترة المساء في اليمن، ما جعل الكثير من الطلاب ينصرفون إلى متابعة أحداثه، والانشغال عن متابعة دراستهم.
8 التعليقات:
أي وقال شيخ الجامع يلي بالحارة عامل جائزة لأي شب مو شايف ولا حلقة من المسلسل!
لهلأ ما حدا فاز بالجائزة.
بس انت بتسدئ هالقصص؟ وما لئو غير اليمن ليحكو فيها طلاق!
الأسبوع الماضي نزل خبر أنو واحد بالسعودية انتحر من ورا عيون لميس.
ومن يومين نزلت بالجريدة عنا انو شب انتحر -كمان- لأنه أهلو ما عادوا اهتمو فيه من بعد مسلسل نور.
وتركلون رسالة اعتذار انو رح يقطع عليهم متابعة المسلسل كم يوم لبينما يدفنوه.
أنو انت بتسدئ هالقصص؟
مو موضوع مين بصدق، أنا أسخر من اللي عم بتابعوا المسلسل، على فكرة ممكن أربح الجائزة تبع الشيخ لأني ما تابعت ولا حلقة منه.
على فكرة: من يومين كان في خبر على موقع سيريا نيوز عن حالات طلاق بطرطوس.
شايفة الكاريكاتير المرفق، هاد من صحيفة فلسطينية، تخيلي...
أنا عندي مقولة مأثورة، عبارة عن شتيمة، تلخص واقعنا بكلمتين: شعب جحش.
ليس المقصود الشعب السوري، ما عاذ الله، بل الشعب العربي كله، إلا من رحم ربي.
الكاريكتير نهفة.
تعال استلم الجائزة، هلأ بنزل بحط أسمك.:)
هلأ ليش كل ما توحد الشعب العربي على مسلسل بيصير جحش؟
يعني يا زلمة النهار يتألف من 24 ساعة، لازم يكون في ساعة مخصصة لشي مسلسل.
يعني انا فرحانة بهالمسلسل لشغلة وحدة.
انو باللهجة السوريّة.
انت يمكن مالك فطنان بس صايرة اللهجة السورية اكثر اللهجات متابعةَ على التلفزيون.
هلأ شفلي المصاروة ، مانتكشوا بربو لأنو بلسوري.
بيكونو رح يموتو قهر :))
يعني وين ما عم نحط أيدنا بالتلفزيون عم تضرب معنا.
تصورلي يا باللهجة المصرية!!
ما كان حدا تابعوا
لونغ لييف سيريا
مجحشة انا اليوم ما؟
ومن جهة تانية، راحت عليك مسرحية "ليلى والذئب"، يلي ما حضرها ما حضر شي.
نكش عليها بالفيس بوك
موضوع الجحش مو على التوحد، لك يا ريتهم بيتوحدوا بشي بينفع، ما بعمرنا توحدنا إلا على التفاهات أو على أشيا بلا طعمة.
يا ستي ما غلط يتابعوا، وبعرف ان النهار 24 ساعة، وساعة إلك وساعة لربك، لك يحضروا ما حدا قال شي، بس هالهوس لشو؟؟
ما بعمرن شايفين كم بنت حلوة أو شي شاب عم يتغزل ببنت؟؟ والله فضحونا.
بعدين عم تحكي على التوحد وعم تشمتي بالمصاروة، شو هالتوحد ولوه؟؟
يا ستي لونغ لايف سيريا ألف مرة، روحي انبسطي....
وأنت ست الفهمانين والفهمانات كمان.
راح دور على المسرحية المذكورة، بس شو وضع الفايس بوك من داخل سوريا، باعتباره محجوب، عم تلاقي صعوبة بالوصول للمواد؟؟
لا اكيد مو شايفين؟ يعني وين بدن يشوفو؟
اي مو بأيدي عندي مرض الحساسية ضد المصاروة. عم جرب أتعالج منه بس ما عم تزبط. انشالله بتعاشرون وتحسس انت منون كمان.
هلأ انا ماعندي اي فكرة عن الفيس بوك لأني غير مواطنة فيه ، لا بحجب ولا بلا حجب,
بس لاحظت شغلة بالنت عنا: انو نظام الفلترة مو قوية.
كيف؟
بتروح عالموقع المسكر ، اول مرة ما بيفتح، تاني مرة ما بيفتح، تالت مرة ما بيفتح.بس رابع مرة بيفتح!
وهيك ما في شي محجوب عنا!!
انا محمد من ایران
هیدا موقعی khaldun.blogfa.com
مرق علینا
المسلسل بايخ
بس المشكلة انه اسمي نور
كل ما اروح على مكان جديد و اتعرف على حدا و احكيله اسمي نور
بحكيلي ( انا مهند )
و بيضحك
صارت نكتة
لك يا ريت بس هيك، صار خلف بده يسمي حاله مهند، وبطيخة بدها تسمي حالها لميس.
لك ما حدا حط تعليقات على غير تدوينات.
عشنا وشفنا.
إرسال تعليق